Qanunsuz dərman gətirən şəxs saxlanıldı
07 dekabr 2013 10:53 (UTC +04:00)

Qanunsuz dərman gətirən şəxs saxlanıldı

Dövlət Gömrük Komitəsinin əməkdaşları tərəfindən qanunsuz dərman preparatları aşkar edilib. Bu barədə Lent.az-a komitədən məlumat verilib. Daxil olmuş əməliyyat məlumatı əsasında Aksiz Gömrük İdarəsinin və DGK Gömrük Sahəsində Hüquqpozmalara Qarşı Mübarizə Baş İdarəsi Əməliyyat idarəsinin əməkdaşlarının birgə keçirdikləri əməliyyat tədbiri nəticəsində Bakı şəhəri, “Azadlıq” metrostansiyası yaxınlığında Azərbaycan vətəndaşı 1959-cu il təvəllüdlü, Masallı rayonu, Boradigah qəsəbə sakini Musayev Malik Mirzə oğlundan Azərbaycan Respublikasının ərazisinə qanunsuz yolla gətirilmiş 2 ədəd karton yeşikdə hər birində 10 kapsula olmaqla 4480 konvalyut (ümumi sayı 44800 kapsula) dərman preparatı aşkar edilərək götürülüb.

# 790

Oxşar yazılar