Putin və Ərdoğan Mosuldakı əməliyyatı müzakirə etdilər

Rusiya və Türkiyə prezidentləri Vladimir Putin və Rəcəb Tayip Ərdoğan aralarında baş tutmuş telefon danışığı zamanı İraqın Mosul şəhərinin azad edilməsi əməliyyatını müzakirə ediblər.

APA-nın “RİA Novosti”yə istinadən verdiyi xəbərə görə, bu barədə Kremlin mətbuat xidmətinin məlumatında deyilir.

“Danışıq zamanı Mosulun azad edilməsi əməliyyatına toxunulub”, - deyə məlumatda bildirilir.

Rusiya prezidenti İraqın baş naziri Haydar əl-İbadi ilə də telefonla danışıb. Danışıq zamanı Mosul əməliyyatı müzakirə edilib.

Putin İraq ordusuna və koalisiya qüvvələrinə uğur arzuladığını bildirib və İŞİD-in tezliklə məhv ediləcəyinə ümidvar olduğunu deyib. Rusiya dövlət başçısı İraq ordusuna dəstək verməyə hazır olduqlarını dilə gətirib.