Azərbaycanın Oğuz rayonunda qətl hadisəsi baş verib.
APA-nın yerli bürosunun xəbərinə görə, hadisə bu gün saat 10.15 radələrində Oğuz rayonunun Muxas kəndində qeydə alınıb. Kənd sakini, 1958-ci il təvəllüdlü Yusifov Bünyamin Məmmədəli oğlu kəndin mərkəzində 12 çaplı ov tüfəngi ilə həmkəndlisi, 1987-ci il təvəllüdlü Salamov Rüfət Eynulla oğluna atəş açaraq öldürüb və hadisə yerindən qaçıb.
Aparılan axtarış tədbirləri nəticəsində B. Yusifov kənd ərazisində meşə zolağında tutulub.
O, ilkin dindirmə zamanı R. Salamovu qızına söz atdığı üçün qətlə yetirdiyini deyib.
Faktla bağlı Oğuz rayon Prokurorluğunda cinayət işi başlanıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
