Maşın vuran Sumqayıt sakini xəstəxanada ölüb

Yol-nəqliyyat hadisəsi zamanı xəsarət almış Sumqayıt şəhər sakini xəstəxanada dünyasını dəyişib.

Lent.az-ın Daxili İşlər Nazirliyinin ( DİN ) saytına istinadən məlumatına görə, yanvarın 16-da Binəqədi qəsəbəsi ərazisində Bakı şəhər sakini Şaiq Məmmədov idarə etdiyi "Mitsibushi" markalı avtomobillə yolu keçən Sumqayıt şəhər sakini Hikmət Musayevi vurub. Xəstəxanaya yerləşdirilən H.Musayev yanvarın 21-də orada ölüb.

Faktla bağlı Binəqədi RPİ tərəfindən araşdırma aparılır.