Göyçay rayonunda ağır yol qəzası baş verib. Hadisə Göyçay-Bərgüşad yolunun 1-ci kilometrliyində, Cəyirli kəndi ərazisində qeydə alınıb. Cəyirli kənd sakini, 1990-cı il təvəllüdlü Abışov Məhəmməd Paşa oğlunun idarə etdiyi 10 HM 700 dövlət nömrə nişanlı, “VAZ 21015” markalı minik maşını yüksək sürətlə hərəkətdə olarkən sürücü idarəetməni itirib və maşın yolun kənarında dayanan traktora çırpılıb.
APA TV-nin xəbərinə görə, hadisə nəticəsində Məhəmməd Abışov müxtəlif dərəcəli bədən xəsarətləri alaraq, Göyçay Mərkəzi Rayon Xəstəxanasına yerləşdirilib. Həkimlərin səyinə baxmayaraq, yaralının həyatını xilas etmək mümkün olmayıb. Faktla bağlı Göyçay rayon Polis Şöbəsi tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
