İrandan gətirilən narkotik maddənin qarşısı alındı - FOTO

Sərhədçilər İrandan gələn vətəndaşda xeyli narkotik maddə aşkar etdilər.

Dövlət Sərhəd Xidməti tərəfindən dövlət sərhədində narkotik vasitələrin qeyri-qanuni dövriyyəsi, qaçaqmalçılıq və qeyri-leqal miqrasiyanın qarşısının alınması istiqamətində tədbirlər uğurla davam etdirilir. Lent.az-ın Dövlət Sərhəd Xidmətinin saytına istinadən verdiyi məlumata görə, 07.02.2017-ci il tarixdə saat 21:00 radələrində həyata keçirilən əməliyyat-axtarış tədbirləri nəticəsində Füzuli rayonunun Bala Bəhmənli kənd ərazisindəki sərhəd zastavasının xidməti sahəsində İrandan Azərbaycana keçərkən İran İslam Respublikası vətəndaşı Cəmşidi Ənvər Mikayıl oğlu sərhəd pozucusu qismində saxlanılıb. Şəxsin üzərinə baxış zamanı 850 qram marixuana aşkar olunaraq götürülüb.

Faktla bağlı əməliyyat-istintaq tədbirləri davam etdirilir.