Bir neçə gün əvvəl soyğunçuluq etmiş Gəncə şəhər sakini saxlanılıb.
Gəncə şəhər Baş Polis İdarəsindən APA-nın qərb bürosuna verilən məlumata görə, polis əməkdaşlarının keçirdikləri əməliyyat axtarış tədbirləri nəticəsində Şəmkir rayon Könüllü kənd sakini, 25 yaşlı Sevinc Məmmədovaya qarşı küçədə zor tətbiq edərək, boyunbağısını alan 1989-cu il təvəllüdlü Cavid Mayılov tutulub. Onun üzərinə baxış zamanı 1,718 qram narkotik vasitə olan heroin aşkar edilərək götürülüb. Saxlanılan şəxs polis əməkdaşlarına borcu olduğu üçün soyğunçuluq etdiyini bildirib.
Faktla bağlı Azərbaycan Respublikası Cinayət Məcəlləsinin 180.1-ci (soyğunçuluq) maddəsi ilə cinayət işi açılıb, istintaq gedir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
