Bakının mərkəzində ağır qəza: sürücü qaçdı - YENİLƏNİB

Dekabrın 22-də saat 21:35 radələrində Bakının mərkəzində ağır yol qəzası baş verib. Lent.az-ın əməkdaşının hadisə yerindən verdiyi məlumata görə, “Azdrama”nın qarşısındakı dairədə Daewoo Nexia markalı avtomobil yol hərəkəti qaydalarını pozaraq, dairəyə əks istiqamətdən girib. Bu zaman dairədə hərəkətdə olan “Mercedes” markalı 90-LL-507 dövlət nömrə nişanlı avtomobillə toqquşub. Daha sonra Daewoo Nexia VAZ 21015 markalı avtomobillə toqquşub. Hadisə nəticəsində xəsarət alan olmasa da, avtomobillərə ciddi ziyan dəyib.

Hadisədən sonra Daewoo Nexia-nın sürücüsü olay yerindən qaçıb. DYP əməkdaşlarının bildirdiyinə görə, hazırda həmin sürücü axtarışdadır.

Qəzadan sonra ərazidə nəqliyyatın hərəkəti məhdudlaşıb və böyük tıxac əmələ gəlib.

Tıxac DYP və PPX əməkdaşlarının səyi ilə aradan qaldırılıb.