Bakıda zəncirvarı qəza: 5 avtomobil əzilib - YENİLƏNİB

Bu gün axşam saatlarında Heydәr Әliyev prospektinin Koroğlu metrosu istiqamәtində 5 avtomobilin iştirakı ilə zəncirvari qəza baş verib. APA-nın hadisə yerində olan müxbirinin verdiyi məlumata görə, “99 EX451” dövlət nömrə nişanlı “Opel”, “90 MO 787” dövlət nömrə nişanlı “Hyundai”, “90 XP 488” dövlət nömrə nişanlı “BMW”, “90 BM 315” nömrə nişanlı “LADA 21015” və “99 FC 176” nömrəli “Mercedes” markalı avtomaşınlar zәncirvari qәza törədib.

Qəza nəticəsində xәsarәt alan yoxdur.

Maşınlara ziyan dәyib.

***

20.32

Noyabrın 26-da saat 20 radələrində Heydər Əliyev prospektində zəncirvarı qəza baş verib.

Lent.az-ın məlumatına görə, «Koroğlu» metro stansiyası istiqamətindən hərəkət edən «Mersedes», «Opel» və «Hunday» markalı 5 avtomobil biri-birinə çırpılıb.

Olay nəticəsində xəsarət alan olmasa da avtomobillər əzilib. Bundan başqa baş verən hadisə nəqliyyatın hərəkətinə problem yaradıb və tıxac yaranıb.