Bakıda yaşayış evində yanğın

Bakıda yanğın hadisəsi baş verib.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Bakının Nəsimi rayonunda çoxmərtəbəli binanın zirzəmisində yerləşən elektrik şitində 10 ədəd elektrik açarı və 2-ci mərtəbədə vətəndaşa məxsus ümumi sahəsi 134 m2 olan 3 otaqlı mənzilin eyvanında istilik sistemi (kombi) qismən yanıb.

Mənzil yanğından mühafizə olunub. Yanğın yanğınsöndürənlər tərəfindən söndürülüb.