Bakının Suraxanı rayonunda piyadanın ölümü ilə nəticələnən yol qəzası baş verib.
APA-nın məlumatına görə, Yeni Günəşli qəsəbəsi ərazisində yolu keçmək istəyən 76 yaşlı Zaman Mədət oğlu Quliyevi maşın vurub. Piyada ağır xəsarətlər alıb. O, hadisə yerinə çağırılan təcili tibbi yardım maşını ilə xəstəxanaya aparılıb. Həkimlərin səyinə baxmayaraq Zaman Quliyevin həyatını xilas etmək mümkün olmayıb və o, xəstəxanada dünyasını dəyişib.
Suraxanı Rayon Polis İdarəsindən APA-ya verilən məlumata görə, 76 yaşlı Zaman Quliyev “Mercedes” markalı avtomobillə vurulub. Avtomobili Bakı şəhər sakini Qadir Hacıyev idarə edib. Sürücü saxlanılıb.
Faktla əlaqədar cinayət işi başlanıb. Araşdırmalar davam edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
