Bakıda avtoservis yanıb

Bakının Nərimanov rayonunda vətəndaşa məxsus ümumi sahəsi 1500 m² olan avtoservisdə yanğın olub.

Lent.az-ın FHN-nin saytına istinadən xəbərinə görə, avtoservis ərazisində bir-birinə bitişik avtomobil təmiri sexlərinin yanar konstruksiyaları və içərisində olan avtomobil ehtiyyat hissələri 60 m² sahədə yanıb. Bitişik digər sexlər və yaxınlıqda dayanmış iki ədəd minik avtomobili yanğından mühafizə olunub.