Bakıda avtobus «Mercedes»lə toqquşdu: SÜRÜCÜLƏR ƏLBƏYAXA OLDULAR

APA TV maraqlı bir yol qəzasının görüntülərini təqdim edir.

Daxili İşlər Nazirliyinin «Təhlükəsiz şəhər» idarəsinin kameraları vasitəsilə qeydə alınan bu hadisə Bakının mərkəzi küçələrindən birində baş verib. Avtobusla «Mercedes»in toqquşması sonradan sürücülərin əlbəyaxa davasına çevrilir. Hadisənin başvermə səbəbinə nəzər saldıqda məlum olur ki, «Mercedes» düzünü hərəkət etmək istəyir. Avtobus isə onu gözləmək əvəzinə sola manevr edir. Əslində isə «Mercedes» sağdan hərəkətdə olduğu üçün avtobus onu gözləməli idi. Amma gözləmir və onlar burun-buruna gəlirlər. Görünür, «Mercedes»in sürücüsünü də özündən çıxaran elə bu olur. Minik avtomobilinin sürücü qəza baş verəndən sonra əsəbi halda maşından düşür və avtobusa minmək istəyir. Lakin sərnişinlər üçün nəzərdə tutulan qapıdan minə bilmədiyi üçün sürücü oturan tərəfə gəlir. Qapını açıb avtobusa minən qəzəbli sürücü orada hamının gözü qarşısında avtobus sürücüsünü döyməyə başlayır. Sürücülərin əlbəyaxa davasına avtobusdakı sərnişinlər müdaxilə etməli olur.