Avtomobil təmiri emalatxanasında güclü yanğın olub - YENİLƏNİB

Fövqəladə Hallar Nazirliyinin (FHN) Dövlət Yanğından Mühafizə Xidmətinin qərargah rəisi Əkbər Novruzovun APA-ya bildirdiyinə görə, yanğın ümumi sahəsi 500 kv.m. olan avtomobil təmiri emalatxanası baş verib.

Yanğın nəticəsində profilaktoriyanın 300 kv.m. sahəsi yanıb.

Yanğınını səbəblərinə dair müxtəlif versiyaların olduğu bildirilir. Onlardan birinə əsasən, obyektin yaxınlığında qalanan bayram tonqalından taxta konstruksiyalı dam örtüyünə alov düşüb.

Hadisə nəticəsində “BMV” markalı avtomobilin yanar konstruksiyalarının yandığı bildirilir.

Hazırda yanğın söndürülüb, yanğının səbəbləri araşdırılır.

***

01.37

Bakıda yanğın hadisəsi baş verib.

APA-nın məlumatına görə, Bakının Binəqədi rayonu ərazisində, Naxçıvani 27 ünvanında yerləşən avtomobil dayanacağında güclü yanğın baş verib. Yanğının söndürülməsinə Dövlət Yanğından Mühafizə Xidmətinin 8-dən çox yanğınsöndürən briqadası cəlb olunub. Hazırda yanğının söndürülməsi istiqamətində tədbirlər davam etdirilir.