Almaniyanın Ziqmaringen şəhərində uşaq komandaları arasında keçirilmiş futbol matçı qalmaqalla yekunlaşıb. Lent. az-ın “Bild”ə istinadən verdiyi məlumata görə, 16 yaşlı baş hakim oyun ərzində öz oğluna aqressiv formada azarkeşlik edən tamaşaçılardan birinə dəfələrlə irad tutub.
Amma fanat sakitləşmək əvəzinə daha da qəzəblənib. Oğlunun ünvanına növbəti fit səsləndikdə 41 yaşlı kişi meydana qaçıb və hakimin yaxasından tutaraq, qasıq nahiyəsinə diz zərbəsi endirib. Yerə yıxılan yeniyetmə hakim huşunu itirib. Onu təcili yardım maşını xəstəxanaya çatdırıb.
Aqressiv azarkeş-ata isə meydanı polis avtomobilində tərk edib. Yeniyetmə hakimə yetirdiyi bədən xəsarətləri səbəbindən o, bir neçə illik həbs cəzasına məhkum edilə bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
