Portuqaliya “Portu”su Fransa milli komandasının futbolçusu Elyakim Manqalanı İngiltərənin “Mançester Siti” klubuna satmağa razılaşıb. Lent.az-ın “A Bola”ya istinadən məlumatına görə, “Portu” 22 yaşlı müdafiəçini rekord məbləğə - 42 milyon avroya satacaq.
Manqala yanvarın 31-də tibbi müayinədən keçdikdən sonra rəsmi müqaviləyə imza atacaq. O, cari mövsümdə “Portu”nun heyətində 13 oyuna 2 qol vurub. Bunadək müdafiəçilər arasında rekord transfer Rio Ferdinandın İngiltərə “Mançester Yunayted”inə keçidi sayılırdı. Ferdinand “mankunianlar”a 30 milyon funta başa gəlmişdi.
Qeyd edək ki, “Portu” daha bir futbolçusu Marat İzmaylovu “Qəbələ”yə mövsümün sonunadək icarəyə verib. Anlaşmanın maddi tərəfi açıqlanmır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
