Azərbaycanda şair məhkəməyə verildi

Göyçayda avtomobil cərimələrini ödəməyən şəxs məhkəməyə verilib.

Lent.az-ın məlumatına görə, rayon sakini Nuriyev Qalib Arif oğlu yol hərəkəti qaydalarını pozduğu üçün Yol Patrul Xidməti əməkdaşları tərəfindən saxlanılıb. Onun barəsində müvafiq qayda pozuntusuna əsasən, protokol tərtib olunub. Lakin o, tərtib olunan cərimələri ödəmədiyi üçün barəsində İnzibati Xətalar Məcəlləsinin 529.3-cü (Yol hərəkəti qaydaları əleyhinə olan inzibati xətaların, yaxud bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə) maddəsilə protokol tərtib olunub.

Protokol baxılması üçün Göyçay rayon Məhkəməsinə göndərilib. İş hakim İbrahim Fəttahovun icraatına verilib.

Qeyd edək ki, Q. Nuriyev şair və yazıçıdır. Onun bir neçə poema və təmsil kitabları işıq üzü görüb.