Azərbaycanda itkin düşən qadın kanalda BOĞULDU - YENİLƏNİB

Ağdaşda kanalda batan şəxsin itkin düşdüyü məlum olub.

Lent.az-ın əldə etdiyi məlumata görə, rayonun Ağcayazı kənd sakini 66 yaşlı Əkbərova Nazilə Əliabbas qızı mayın 9-da yaşadığı evdən çıxaraq geri qayıtmayıb.

Axtarışlar zamanı Nazilə Əkbərovaya məxsus geyim əşyaları yaşadığı evin yaxınlığından keçən Şirvan kanalının kənarında aşkar edilib. Məlumata görə, o, kanala yıxılaraq boğulub. Yaxınlarının deməsinə görə, qadın qara ciyər sirrozu xəstəliyindən əziyyət çəkib.

Hazırda onun meyitinin sudan çıxarılması üçün axtarışlar davam etdirilir.

***

10:34

Yuxarı Şirvan kanalının Ağdaş rayonu, Aşağı Ağcayazı kəndi ərazisindən keçən hissəsində bir nəfərin kanalda batması barədə ilkin məlumat daxil olub.

Lent.az xəbər verir ki, bu barədə Fövqəladə Hallar Nazirliyi (FHN) məlumat yayıb.

Məlumatla əlaqədar əraziyə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb edilib.

Hazırda vətəndaşın batdığı ehtimal edilən istiqamətlər üzrə axtarışlar davam etdirilir.