Qaçırılan avtomobil yolun kənarından tapılıb
25 iyun 2009 16:30 (UTC +04:00)

Qaçırılan avtomobil yolun kənarından tapılıb

Onu oğurlayan şəxslər axtarılır

İyunun 24-də Gəncə şəhər sakini, 1983-cü il təvəllüdlü Şamxal Bağırov Gəncə şəhər Polis İdarəsinə müraciət edərək, Gəncə Dövlət Kukla Teatrının binasının arxa hissəsində Fikrət adlı şəxs başda olmaqla, bir neçə nəmalum şəxsin ona zor tətbiq etməklə avtomobilini qarət məqsədi ilə apardıqlarını bildirib. Gəncə şəhər Polis İdarəsindən Lent.az-ın Gəncəbasar müxbirinə verilən məlumata görə, axtarış nəticəsində “BMV 320” markalı, 20 BK 867 dövlət nömrə nişanlı avtomobil Sevinc qəsəbəsi ərazisində yolun kənarında tapılıb. Şəxslərin axtarışı isə davam edir.

Faktla bağlı Cinayət Məcəlləsinin 185.3 maddəsi ilə iş açılıb, araşdırma aparılır.

Vüsalə Cənnətova
# 445

Oxşar yazılar