“Gen” MMC-nin beynəlxalq axtarışda olan əməkdaşı tutuldu

Ağa Seyidov dələduzluqda təqsirləndirilir

“Gen” MMC-nin axtarışda olan əməkdaşı həbs olunub.

Bakı Şəhər Baş Polis İdarəsindən Lent.az-a verilən məlumata görə, 1967-ci il təvəllüdlü, Ağa Arif oğlu Seyidov Yasamal Rayon Polis İdarəsi 26-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində həbs olunub. O, Cinayət Məcəlləsinin 178-ci (dələduzluq) maddəsi ilə təqsirləndirilir.

Tikinti şirkətindən zərərçəkmişlərin hüquqi nümayəndəsi Vidadi İsgəndərov Lent.az-a A.Seyidovun beynəlxalq axtarışda olduğunu və onun şirkətdə təşkilatçılardan biri olduğunu söyləyib.

Qeyd edək ki, “GEN” MMC şirkətinin rəhbəri E.Əliyev 2008-ci ildə Bakı Şəhər Polis İdarəsinin əməkdaşları tərəfindən saxlanılıb. O, dələduzluq yolu ilə 500-ə qədər vətəndaşı aldatmaqda və pullarını mənimsəməkdə ittiham olunur.

Şəhriyar Əlizadə