Azərbaycanlılar Əhmədinejata ayaqqabı atdı!

Bir neçə nəfər şübhəli şəxs qismində həbs olunub
Martın 5-də Güney Azərbaycanın Urmiya şəhərində səfərdə olan İran prezidenti Mahmud Əhmədinejad yerli sakinlərin kəskin etirazıyla qarşılanıb. Lent.az-ın www.D-A-K.org-a istinadən verdiyi məlumata görə, şəhərin mərkəzi küçələrindən üstüaçıq avtomobildə ayaq üstündə əhaliyə əli ilə salam verən Mahmud Əhmədinəjada tərəf əhalinin sıx yerindən ayaqqabı atılıb.
“Ettelaat” əməkdaşları və polislər dərhal həmin istiqamətə hucum ediblər. Lakin onlar ayaqqabı atan şəxsi müəyyənləşdirə bilməyiblər. Bir neçə nəfər şübhəli şəxs kimi həbs olunub. Bundan əlavə, Mütəhhəri küçəsindən keçən zaman Mahmud Əhmədinejadın maşın karvanına daxil olan muhafizə avtomobillərindən biri məktub vermək üçün yola çıxmış yaşlı bir kişini vurub və heç nə olmamış kimi yollarına davam ediblər. Əhali yaralanmış kişiyə yardım məqsədiilə hadisə yerinə toplanaraq etiraz etməyə başlayıblar. Nəticədə polis və təhlükəsizlik əməkdaşlarıyla əhali arasında qarşıdurma baş verib. Təcili yardım maşını yaralanmış soydaşımızı xəstəxanaya aparıb.