Zimbabvedə korrupsiya o həddə çatıb ki, doğuş zamanı qadından hər qışqırığa görə 5 dollar alırlar.
Lent.az-ın xarici informasiya vasitələrinə görə, bu haqda «Vaşinqton post» qəzeti yazıb.
Mənbənin yazdığına əsasən, bu zarafat kimi görünsə də, təəssüf ki, bir gerçəklikdir. Afrikanın bu ölkəsində əhalinin illik gəliri 150 dollar təşkil edir. Ancaq doğum evlərində hər qadından doğuş üçün 50 dollar alırlar. Bununla da doğuş zamanı qadın qışqıranda illik gəlirinin itirilməsi riski ilə üz-üzə qalır.
«Beynəlxalq şəffaflıq» («Transparency International») hüquq müdafiəsi təşkilatı bildirib ki, əgər qadın rüşvət verməzsə, onu doğuşdan sonra girov kimi ailəsi gərəkən məbləği ödəyənədək xəstəxanada saxlayırlar. Ona görə də Zimbabvedə qadınların çoxu evdə doğmağa üstünlük verir.
BMT-nin bu ölkə üzrə hesabatına əsasən, hər gün doğuş zamanı orta hesabla 8 qadın həyatdan köçür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
