Keçmiş Sosialist Yuqoslaviyasının lideri, kommunist diktatorlardan biri İosip Broz Titonun həyat yoldaşı Yovanka Broz oktyabrın 26-da Belqradda dəfn edilib. Lent.az-ın xarici informasiya vasitələrinə istinadən verdiyi məlumata görə, onun şərəfinə hərbi qaravul düzülüb.
Mərasimdə Serbiyanın baş naziri İvist Daçiç, məhrumənin yaxınları, jurnalistlər, sadə vətəndaşlar iştirak ediblər.
Serbiya hakimiyyəti Yovakanın vəsiyyətinə əməl edərək ,onu həyat yoldaşı Titonun məzarı yanında dəfn edib.
Xatırladaq ki, xanım oktyabrın 20-də Belqraddakı xəstəxanalardan birində ürək çatışmazlığından dünyasını dəyişib.
Yovanka Broz 1952-ci ildə Tito ilə ailə qurub və onun üçüncü həyat yoldaşı olub. Buna qədər Yovanka 6 il Titonun katibəsi işləyib.
1980-ci ildə Tito vəfat etdikdən sonra Yovanka məhkəmə qərarı ilə ev dustağı olub. Ona qoyulmuş qadağa Yuqoslaviya dağıldıqdan sonra götürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
