Əfqanıstanın Loqar bölgəsində məcburi eniş etmiş vertolyotun sərnişinləri qaçırılıb.
Lent.az-ın «BBCTürkçe»-yə istinadən məlumatına görə, Əfqanıstan Müdafiə Nazirliyi vertolyotdakı 10 nəfərin «Taliban» tərəfindən qaçırıldığını bildirib.
Mənbənin məlumatına əsasən, qaçırılanların 7-sinin Türkiyə vətəndaşı olduğu haqda açıqlama verilib. Onların iki rusiyalı, bir əfqandır.
Əfqanıstan müdafiə nazirliyinin rəsmisi general Əbdül Qədir Aşina mülki vertolyotların Loqar əyaləti Azrə mahalında əlverişsiz hava şərtləri ilə bağlı təcili yerə endiyini, ancaq enərkən «Taliban» silahlıları tərəfindən ələ keçirildiyini bildirib. Onun sözlərinə görə, bölgə «Taliban»ın nəzarəti altındadır və girovları azad etmək üçün hazırda ora çoxlu sayda polis göndərilib.
Vertolyot Əfqanıstanın «Xorasan» adlı şirkətə məxsusdur. O, Beynəlxalq təhlükəsizlik və Dəstək Gücünə yemək və yardım ləvazimatı daşıyırmış.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
