Fələstinin Çex Respublikasındakı səfiri Camal Məhəmməd Camal evində baş verən partlayış nəticəsində ölümcül xəsarətlər alıb.
APA-nın “İTAR-TASS”a istinadən xəbərinə görə, Praqadakı hərbi hospitala yerləşdirilən diplomatın həyatını xilas etmək mümkün olmayıb.
Olay yerinə baş çəkən Çex Polisinin prezidenti Martin Çerviçek hadisənin terror aktı ola biləcəyini istisna edib. Bununla belə, yerli mətbuat partlayışın səfirin seyfində olan patronun partlaması nəticəsində meydana gələ biləcəyini də yazır.
Qeyd edək ki, Camal Məhəmməd Camal 2013-cü ilin oktyabr ayında etimadnaməsini Çexiya prezidenti Miloş Zemana təqdim etdikdən sonra səfir kimi fəaliyyətə başlamışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
