Obama Moskva ilə Snouden məsələsinin alverini etməyəcək

ABŞ prezidenti Barak Obama bildirib ki, Rusiya və Çin rəhbərliyi ilə Mərkəzi Kəşfiyyat İdarəsinin keçmiş əməkdaşı Edvard Snouden ətrafında yaranmış vəziyyəti müzakirə etməyib.

Lent.az-ın xarici informasiya vasitələrinə istinadən məlumatına görə,Afrikaya səfəri çərçivəsində o, Seneqalda keçirdiyi mətbuat konfransında deyib: «Əvvəla, mən nə Çinin sədri Si Tszinpinə, nə də prezident Putinə zəng etməmişəm.İkincicisi, biz Çin və Rusiya ilə çoxlu istiqamətlər üzrə əməkdaşlıq edirik.Bir nəfər şübhəlinin təhvil verilməsinə görə biz məsələni o səviyyəyə qaldırmaq və bununla bağlı sövdələşmə etmək niyyətində deyilik».

Obamanın ümid edib ki, Rusiya və başqa dövlətlər Snoudenə sığınacaq verərkən, beynəlxalq hüquqa əsaslanacaqlar.

ABŞ prezidenti keçmiş kəşfiyyatçıda başqa gizli materiallarn olmasından rahatsızlığını etiraf edib: «Məhz buna görə ABŞ onu həbs etmək istəyir».