İsrailin baş naziri Binyamin Netaniyahu aprelin 4-də ABŞ senatorları ilə görüşüb.
Lent.az-ın xarici informasiya vasitələrinə istinadən məlumatına görə, onlar Yaxın Şərqdəki aktula məsələləri, ilk növbədə İranın nüvə proqrammı problemindən danışıblar.
Mənbə bildirib ki, nümayəndə heyətinə Nyu-Yorkdan olan senator-demokrat Kirsten Cilibrand başçılıq edib.
B.Netaniyah bildirib ki, yəhudi dövlətini məhv etməyə çağıran bir rejimin nüvə silahı əldə etməsinə İsrail icazə verə bilməz. O, beynəlxalq ictimaiyyəti Tehranın atom proqramını dayandırmağa və ona qarşı tədbir görməyə çağırıb.
Onu da xatırladaq ki,o, Norveçin xarici işlər naziri Espen Eydlə görüşdə də onları İrana qarşı fəallıq göstərməyə çağırıb.