Moskvanın Varşava şosesində tranzit nömrə nişanlı “Mercedes” markalı minik avtomobili saxlanılıb.
Lent.az-ın Rusiya mətbuatına istinadən verdiyi məlumata görə, avtomobili idarə edən Azərbaycan vətəndaşı polisin göstərişinə məhəl qoymayaraq aradan çıxmaq istəsə də, bir neçə dəqiqə sonra polislər onu yaxalayıb.
Avtomobildə 15-30 yaşlı dörd Azərbaycan əsilli şəxs olub. Maşına baxış zamanı odlu silah kimi düzəldilmiş qaz tapançası, iki bankomat skimmeri və müxtəlif mobil operatorlara məxsus minlərlə sim-kart aşkarlanıb.
Hazırda Azərbaycan vətəndaşları polis şöbəsindədir. Araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
