Misirdə ölkənin demokratik yolla seçilən ilk prezidenti Məhəmməd Mursinin məhkəməsi başlayıb.
APA-nın “Anadolu” agentliyinə istinadən verdiyi məlumata görə, M.Mursi saxlanıldığı “Tora” həbsxanadan hərbi helikopterlə Polis Akademiyasına gətirilib. Həmin ərazidə təhlükəsizlik tədbirləri gücləndirilib. Bundan əvvəl isə Misirin müxtəlif şəhərlərində eks-prezidentin tərəfdarları və əleyhdarları arasında toqquşmalar baş verib.
Qeyd edək ki, bu ilin iyulun əvvəlində hərbçilər tərəfindən devrilən M.Mursini dövlətə xəyanətdə, mitinq iştirakçıların qətlində və HƏMAS təşkilatı ilə əməkdaşlıqda ittiham olunur. Onunla birgə M.Mursinin hökumətində yer alan daha bir neçə yüksək vəzifəli şəxsə də ittihamlar irəli sürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
