Mahaçqaladakı partlayışda ölənlərin sayı artır, 26 yaralı var – YENİLƏNİB-

“Anji” və “Lokomotiv” arasındakı görüş təxirə salına bilər

Bu gün Rusiya çempionatının sonuncu - 29-cu turu çərçivəsində Mahaçqalanın “Anji” və Moskvanın “Lokomotiv” komandalar arasında Anji-Arena stadionunda keçirilməli olan oyun təxirə salına bilər.

Lent.az-ın Rusiya mətbuatına istinadən verdiyi məlumata görə, buna səbəb bir neçə saat əvvəl Mahaçqalada baş verən dəhşətli terror aktıdır.

Qeyd edə ki, bu gün Mahaçqalada Məhkəmə İcraçıları Xidmətinin binasının qarşısında partlayış törədilib. Binanın qarşısında iki avtomobil partladılıb. Partlayış nəticəsində 9 nəfər ölüb, 26 nəfər yaralanıb.

17.20

Bu gün Mahaçqalada Məhkəmə İcraçıları Xidmətinin binasının qarşısında partlayış törədilib.

Lent.az-ın İTAR-TASS agentliyinə istinadən verdiyi məlumata görə, binanın qarşısında iki avtomobil partladılıb.

İlkin məlumatlara görə, 8 nəfər ölüb, yaralananlar var.