Fransanın «Total» neft şirkəti və onun baş direktoru bəraət alıb. Lent.az-ın «BBC»-yə istinadən məlumatına görə, şirkət və rəhbəri Səddam Hüseynin hakimiyyəti illərində BMT-nin «Neftin ərzaqla dəyişdirilməsi» proqramı çərçivəsində sui-istifadə hallarına yol verməkdə ittiham olunurdu.
Bu proqrammı 1996-2003-cü illəri əhatə edib. Onda İraqa qarşı beynəlxalq sanksiyalar tətbiq olunmuşdu. Yalnız ərzaq malları və başqa humanitar məhsullar üçün neft ixrac oluna bilərdi.
Həmin proqramın icrasına 64 milyard dollar xərclənib.
2003-cü ildə BMT proqramının tətbiqi zamanı korrupsiya və sui-istifadə halları ilə bağlı hesabatını açıqladı.
Neft almaq üçün «Total»ın da İraq hakimiyyətinə rüşvət verdiyi iddia olunurdu.
Bu cinayət işi ilə bağlı şirkətin 10 - a yaxın meneceri və bir neçə keçmiş diplomat dindirilib. Onların hamısı ittihamları rədd edərək, bildirib ki, proqrama və qaydalara uyğun fəaliyyət göstəriblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
