İsveçrə bankları ABŞ-ın tələbini yerinə yetirmədi

İsveçrə parlamentinin Aşağı Palatası ABŞ-ın bu ölkə banklarının müştəriləri barədə məlumat verməsinə dair öhdəliklə bağlı təqdim etdiyi qanun layihəsini müzakirədən imtina edib.

Lent.az-ın xarici informasiya vasitələrinə istinadən məlumatına görə, bununla ba qanunun qəbulu mümkünsüz olub. Çünki parlament iki gündən sonra yay tətilinə çıxır.

Bununla belə mütəxəssislərin qənaətincə,bu qərar ölkənin bank sisteminə ciddi təsir göstərə bilər.

Bu ilin yanvarında isveçrənin qədim banklarından biri «Wegelin and Co» ABŞ hakimiyyəti tərəfindən 57 milyon dollar cərimə ödədikdən sonra bağlanıb. Məhkəmədə amerikalı müştərilərinin on milyonlarla dollarının vergidən yayınmasına bankı yardım etdiyini etiraf olunub.

ABŞ vergi orqanlarından yayınan vətəndaşlarının bank hesablarını açıqlanmasını İsveçrənin maliyyə qurumlarından tələb edir. Cari ilin iyulunda uyğun qanun qəbul edilməzsə, o zaman İsveçrə banklarına ABŞ sanksiya tətbiq edəcəyini bildirib.