Yəməndə qaçırılmış diplomatını İran azad etməyə hazırlaşır

İranın Xarici İşlər Nazirliyi səfirliyin əməkdaşının azad edilməsi məqsədi gələn həftə Yəmənin paytaxtı Sənaya özəl nümayəndə heyəti göndərəcək.

Lent.az-ın İRNA-ya istinadən məlumatına görə, bu haqda xarici işlər nazirinin ərəb və Afrika dövlətləri üzrə müavini Hüseyn Abdullahian açıqlama verib.

Xatırladaq ki, kimliyi bəlli olmayan silahlı şəxslər iyulun 21-də Sənanın cənubundakı diplomatlar məhəlləsində Nurəhməd Nikbəxti avtomobilindən çıxararaq özləri ilə bilinməz istiqamətə aparıblar.

İran diplomatını oğurlayan şəxslərin kimliyi və hansı siyasi cərəyana bağlı olması bilinməsə də, Yəmən polisi rəsmiləri onların «əl-Qaidə» təşkilatı ilə əlaqədə olduğunu təxmin etdiklərini bildirib.