Bir neçə gün əvvəl Avropanın bir neçə şəhərində eyni zamanda keçirilən əməliyyat zamanı həbs edilən “qanuni oğru”ların adı məlumdur. Lent.az-ın aznews.az-a istinadən verdiyi məlumata görə, bu barədə «Praym Kraym» məlumat yayıb.
Məlumata görə, Rövşən Lənkəranskinin yaxın adamı hesab edilən Merab Cvanqeladzedən başqa həbs olunanlar arasında 46 yaşlı Aleksandr Karçivadze də var. Polis onu Praqada yaxalayıb.
65 yaşlı Qivi Qordeladze və 59 yaşlı Temuri Nemsiveradze Litvada həbs olunub. Onların yanında yeni “taclandırılan” 36 yaşlı Rajden Şuliy da olub. İtaliya polisi isə İnterpolun dəstəyi ilə bu əməliyyat nəticəsində 6 “qanuni oğru”nu qandallayıb.
Bunlar 54 yaşlı Quram Odişariya, 50 yaşlı Roina Uqlava, 35 yaşlı Qiya Qurşiani, 34 yaşlı Aleka İmedadze, Beso Kupraşvili və nəhayət 25 yaşlı Akakiya Tuquşidir. Enso Batumski ləqəbli Tuquşi ötən ilin dekabrında R.Lənkəranskinin də dəstək verdiyi Dubay “sxodka”sında taclandırılmışdı.
Bəzi “qanuni oğru”lar isə Avropa polisinin əməliyyatından gizlənməyi bacarıb. Bunlar 51 yaşlı Tamaz Koroşinadze, 43 yaşlı Ramaz Cinçaridze, 40 yaşlı Laşa Carçvliani, 39 yaşlı Koba Axvlediani, 32 yaşlı İrakli Kalaçivadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
