Həsən Ruhani – İranın az qala yeni prezidenti

İyunun 14-də İranda prezident seçkisi keçirilib.Bülletenlərin sayılması hələ başa çatmayıb. İlkin hesablamalara əsasən, hakimiyyətiçi islahatçı sayılan xəttin təmsilçisi Həsən Ruhaninin irəli də olduğu bildirilir.

Lent.az-ın məlumatına görə, İslam Respublikasının Daxili İşlər Nazirliyi bülletenlərin 65 faizi, yaxud 27 milyonu sayılıb. Ali təhlükəsizlik şurasının keçmiş katibi Həsən Ruhani səslərin 51 faizini və ya 14 milyon səs toplayaraq, bu siyasi yarışda irəlidədir.

İkinci yerdə isə 4 milyon 369 min 985 səslə Tehranın valisi Məhəmmədbağır Qalibafdır. Üçüncü yeri ali təhlükəsizlik şurasının indiki katibi 3 milyon 163 min 211 səslə Səid Cəlili tutur.

Ondan sonrakı yerdə inqilab keşikçiləri qvardiyasının keçmiş komandanı Möhsün Rzaidir.O, sayılmış səslərin 3 milyon 129 min 444-ü qazanıb.

Rəsmi məlumatlara əsasən, ölkədə 50,5 milyon vətəndaşın səsvermə hüquq var.