Fransa Malidən ordunu çıxarır
25 may 2013 18:52 (UTC +04:00)

Fransa Malidən ordunu çıxarır

 

Fransa Malidəki hərbi qüvvələrini çıxarmağa qərar verib.

Lent.az-ın BBC-yə istinadən verdiyi məlumata görə, Fransanın Malidə 4 min əsgəri və onların mərhələ-mərhələ Fransaya dönmələri nəzərdə tutulur.

Fransa ordusu çəkildiyi bölgələrə nəzarəti Mali ordusuna və BMT sülhməramlıları həyata keçirəcək.

Qeyd edək ki, Fransa radikal islamçı qüvvələrin Malinin şimal bölgələrini ələ keçirib paytaxt Bamakoya doğru irəliləməyə başladıqları dönəmdə hərbi müdaxiləyə qərar verib.   Gao, Kidal və Timbuktu kimi böyük şəhərləri ələ keçirən silahlılar bu bölgələrdə şəriət dövləti qurulduğunu bəyan etmişdilər. Bu ilin yanvar ayında əməliyyata başlayan Fransa ordusunun bölmələri Timbuktu da daxil olmaqla bir çox şəhərə nəzarəti bərpa edib. 

# 379
avatar

Oxşar yazılar