Ermənistanda uşaq bağçasında zəhərlənənlərin sayı 58-ə çatdı
29 noyabr 2014 13:27 (UTC +04:00)

Ermənistanda uşaq bağçasında zəhərlənənlərin sayı 58-ə çatdı

 

Ermənistanda uşaq bağçasında zəhərlənən uşaqların sayı 58-ə çatıb.

 

APA-nın “news.am”a istinadən verdiyi məlumata görə, bunu Ermənistan Səhiyyə Nazirliyinin baş infeksionisti Ara Asoyan deyib.

 

O bildirib ki, ağır vəziyyətdə olan 16 uşaq İrəvandakı infeksion xəstəxanaya çatdırılıb. Digərləri isə Eqvard şəhər xəstəxanasında qalıblar.

 

Zəhərlənmənin səbəblərinə gəlincə isə A. Asoyan uşaqların nədən zəhərləndiyinin hələlik müəyyən edilmədiyini deyib.

 

Qeyd edək ki, kütləvi zəhərlənmə baş verən uşaq bağçası fəaliyyətini dayandırıb.

 

***

 

10:34

 

Ermənistanda uşaq bağçasında kütləvi zəhərlənmə olub.

 

APA-nın Ermənistan mətbuatına istinadən verdiyi məlumata görə, hadisə Eqvard şəhərində qeydə alınıb.

 

Nəticədə 13 uşaq yerli xəstəxanaya, daha 2 uşaq isə İrəvandakı xəstəxanaya yerləşdirilib. Zəhərlənən uşaqların vəziyyəti orta ağır kimi qiymətləndirilir.

 

İlkin ehtimallara görə, uşaqlar qida məhsullarından zəhərlənib.

 

# 817
avatar

Oxşar yazılar