Braziliya 2014-cü il dünya çempionatı müddətində 600 min turist qəbul etməyə hazırlaşır. Lent.az-ın məlumatına görə, bu barədə ölkənin Turizm İnstitutunun rəsmisi Tufi Netu açıqlama verib.
O bildirib ki, mundialla əlaqədar yatırılan sərmayə 16 milyard dollar təşkil edib. Çempionat oyunlarının keçiriləcəyi 12 stadion 31 dekabr 2013-cü ilədək yekunlaşmalıdır.
Netunun sözlərinə görə, turistlərin çoxu Latın Amerikasından gələcək. Bu, coğrafi yaxınlıq və qitədə futbola olan ehtirasla bağlıdır.
Qeyd edək ki, qarşıdakı dünya çempionatı 2014-cü il iyunun 12-dən iyulun 13-dək davam edəcək.