OMON Dərbəndi mühasirəyə aldı - YENİLƏNIB

Dərbənd hazırda mühasirəyə alınıb.

Lent.az-ın Dərbənddəki mənbələrə istinadən verdiyi məlumata görə, xüsusi təyinatlı polis dəstələri (OMON) məscidlərə cümə namazına gələn sələfiləri (vəhhabilər) xüsusi nəzarətdə saxlayır. Şəhərin giriş və çıxış yolları bağlanıb. Məscidlərə gedən yollarda postlar qurulub.

Qeyd edək ki, bu gün səhər saatlarında Dərbənddə Rusiya Federal Təhlükəsizlik Xidmətinin Sərhəd Xidmətinin yüksək rütbəli əməkdaşının olduğu avtomobil partladılıb. Partlayıcı qurğu “Leksus” markalı avtomobilin altına yerləşdirilib. Partlayış nəticəsində avtomobildə olan Rusiya Federal Təhlükəsizlik Xidmətinin Sərhəd Xidmətinin yüksək rütbəli əməkdaşı yaralanıb və o, xəstəxanaya yerləşdirilib.

Partlayışdan sonra şəhər mühasirəyə alınıb. Hüquq-mühafizə orqanları partlayışı radikal dini qruplaşmaların törətməsi ilə bağlı versiya üzərində işləyir. Hazırda polis şəhərdə avtomobilləri saxlayaraq yoxlayır, cümə namazından çıxan sələfilər Dərbənd Şəhər Polis İdarəsinə aparılır. İndiyə qədər 200-ə qədər sələfi saxlanılıb.

13.38

Bu gün Dərbənddə Rusiya Federal Təhlükəsizlik Xidmətinin Sərhəd Xidmətinin əməkdaşlarının olduğu avtomobil partladılıb.

Lent.az-ın Rusiya mətbuatına istinadən verdiyi məlumata görə, partlayıcı qurğu “Leksus”markalı avtomobilin altına yerləşdirilib.

Partlayış nəticəsində avtomobildə olan Rusiya Federal Təhlükəsizlik Xidmətinin Sərhəd Xidmətinin baş leytenantı yaralanıb. O, xəstəxanaya yerləşdirilib.