Hərbi cinayətlərlə bağlı mühakimə olunan Qustavo Ramon de Marçi və Xorxe Antonio Olivera Argentinanın paytaxtı Buenos-Ayresdə hərbi hospitaldan qaçıblar.
Lent.az-ın “Rosbalt” agentliyinə istinadən verdiyi məlumata görə, həmin şəxslər diktatura dönəmində - 1976-83-cü illərdə insanlıq əleyhinə cinayət törətməkdə günahkar sayılıblar.
Məhkəmə iyulun 5-də Qustavo Ramon de Marçi və Xorxe Antonio Olivera ilə bağlı hökm verib. Onlar 1976-cı ildə Fransa vətəndaşı olan model Mari Ann Eriz Tisonun oğurlanmasında iştirak etməkdə və digər cinayətlərdə ittiham olunublar. Xorxe Antonio Olivera ömürlük, Qustavo Ramon de Marçi isə 25 il azadlıqdan məhrum olunub. Qustavo Ramon de Marçi və Xorxe Antonio Olivera bu gün həkim yoxlamasından keçmək üçün hərbi hospitala gətiriliblər. Ancaq penitensiar sistemin əməkdaşları onların hospitaldan qaçışının qarşısını almağı bacarmayıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
