BMT kosmosa uçan ilk qadının yubileyini qeyd edir

Bu gün BMT-də ilk qadın kosmonavt Valentina Tereşkovanın kosmosa uçuşunun 50 illiyi qeyd edilir.

Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, dünyanın ilk qadın kosmonavtı Valentina Vladimorovna Tereşkova təxminən 3 sutka davam edən uçuşunu 16 iyun 1963-cü ildə “Vostok-6” kosmik gəmisində həyata keçirib.

Raket “Baykonur” kosmodromundan start götürüb. Vyanada BMT-nin kosmik məkan məsələləri üzrə idarəsində yubilyarın iştirakı ilə mətbuat konfransının keçirilməsi planlaşdırılır. Bundan başqa, Avstriya paytaxtında qadınların kosmonavtikanın inkişafına verdikləri töhfəni nümayiş etdirən böyük fotosərgi də keçirilir. Valentina Tereşkova İngiltərə, Kanada, Çin, ABŞ və Yaponiyadan olan kosmosa uçmuş digər 5 qadınla birlikdə kosmosa uçan qadınlara həsr edilən seminarda iştirak edəcək.