Almaniyanın keçmiş prezidenti korrupsiyada ittiham olunur

Almaniyanın istintaq orqanı ölkənin keçmiş prezidenti Kristian Vulfu korrupsiyada ittiham edib.

Lent.az-ın xarici informasiya vasitələrinə istinadən məlumatına görə, ötən il barəsində yaranmış çoxsaylı qalmaqallı məsələlər ucbatından istefa vermişdi.

Vulfu daha çox Aşağı Saksoniyanın federal ərazi naziri işlədiyi illərdə bir alman kinoprodüsserə lobbilçilik etməkdə suçlayırlar.

Keçmiş prezident isə prodüsserə filmini çəkmək üçün vəsait tapmaqda yardım etdiyini və bu məsələdə qanunsuzluq görmədiyini vurğulayıb.

Bu həftənin əvvəlində keçmiş prezidentin cərimə ödəməklə işləri qaydasına qoyacağı bildirilirdi. Ancaq K.Vulf prokurorun bu təklifindən imtina edərək, nüfuzunu müdafiə etmək istədiyini bildirib.