ABŞ oğurlanmış tarixi sənədləri Rusiyaya qaytarıb

ABŞ-ın Rusiyadakı səfiri Maykl Makfop 1990-cı illərdə ölkədən oğurlanan 8 tarixi əsəri Moskvaya təhvil verib.

Lent.az-ın «İnterfaks»-a istinadən məlumatına görə, sənədlərin qaytarılması mərasimində amerikalı diplomat bildirib ki, bu işdə iki ölkənin hüquq –mühafizə orqanları birgə fəaliyyət göstərib.

«Bu sənədlər Peterburqdakı Rusiya Milli tarixi, ədəbiyyatı, hərbi-tarixi arxivlərindən 90-cı illərin başlanğıcında oğurlanıb»-deyə, səfir vurğulayıb.

Mərasimdə II Yekatrinanın, II Aleksandrın bir neçə əmrləri, imperator Yekatrinanın qraf Mixail Kaxovskiyə məktubu, çar II Nikolayın əmri Rusiya tərəfinə təqdim edilib.