ABŞ hələ Əfqanıstanda qalacaq

Pentaqonun mətbuat katibi Corc Litl isə NATO-nun 2014-cü ildən sonra Əfqanıstanda 12 minədək hərbçi saxlayacağını söyləyib.

Lent.az-ın «BBC»-yə istinadən məlumatına görə, ABŞ-ın müdafiə naziri Panetta alman həmkarının 2014-cü ildən sonra ölkəsinin Əfqanıstanda 8-12 min nəfər hərbçi saxlayacaqları barədə sözlərini təkzib edib: «Bu məlumat doğru deyil. Biz yalnız Əfqanıstandakı NATO hərbçilərinin taleyi barədə müzakirələr aparmışıq».

Litl NATO müdafiə nazirlərinin Əfqanıstanda 8-12 min nəfər hərbçi saxlamaq məsələsini müzakirə etdiklərini,ancaq yekun qərarına qəbul olunmadığını bildirib.

Fevralın 22-də Almaniyanın müdafiə naziri Tomas de Mezyer ABŞ-ın 2014-cü ildən sonra Əfqanıstanda 8-12 min hərbçi saxlamaq niyyətinin olduğunu bəyan edib.

Hazırda Əfqanıstanda 66 minədək amerikalı hərbçi var. Fevralın 12-də prezident Barak Obama 2014-cü ilədək Əfqanıstandan 34 min amerikalı hərbçi çıxarcaqlarını vurğulamışdı.