Suriyada Bəşar Əsəd rejiminə qarşı silahlı mübarizə aparan, ölkədə islam hakimiyyəti qurmaq istəyən «əl-Nusra Cəbhəsi»nə qarşı sanksiyanın tətbiq edilməsi ilə bağlı məsələ BMT Təhlükəsizlik Şurasında qeyri-formal müzakirə olunmağa başlayıb.
Lent.az-ın xarici informasiya vasitələrinə istinadən məlumatına görə, Fransa XİN təmsilçisi Filipp Lalio müzakirələrin hələ başlanğıc mərhələdə olduğunu söyləyib.
Xatırladaq ki, aprelin 11-də «əl-Nusra Cəbhəsi»-nin başçısı Əbu Məhəmməd Qolani «əl-Qaidə» lideri Ayman Zəvahiriyə sadiq və bağlı olduqlarını bildirib.
ABŞ hakimiyyəti artıq bu silahlı qruplaşmanı terrorçu təşkilatlar siyahısına daxil edib.