Qarnına mərmi girən əsgər sağ qalıb

Lent.az-ın “haberturk.com” saytına istinadən verdiyi məlumata görə, aralarında Mossun da olduğu 24 amerikalı hərbçinin zirehli avtomobilinə Taliban və əl-Qaidə silahlıları hücum çəkib.

Atılan tank əleyhinə mərmilərdən biri Mossun qarnının bir tərəfindən girib, ucu digər tərəfindən çıxıb. Bu mərmi partlayacağı halda 10 metr radiusda hər kəsi öldürməyə qadirdir. Mossu aparmaq üçün vertolyot çağırılıb, ancaq pilotun qorxmaması üçün onun qarnında mərmi olduğu bildirilməyib. Pilotlar isə yaralını görən kimi vəziyyəti başa düşüblər, ancaq qaydalara zidd olsa da, onu ən yaxınlıqdakı xəstəxanaya aparmağa qərar veriblər. Xəstəxanada mütəxəssis mərmini Mossun qarnından çıxarıb, daha sonra həkimlər onu əməliyyat ediblər.

Daxili orqanları ciddi zədələnən Moss xəstəxanadan çıxan zaman hərəkət edəcək vəziyyətdə olmayıb, ancaq illərlə davam edən fizioterapiya nəticəsində qoltuqluqlarla hərəkət edə bilir. Moss cəsarəti və qətiyyətinə görə medallarla mükafatlandırılıb. Onun həyatını qurtaran əsgər və həkimlərə də medal verilib.