Almaniyada yayılan təhlükəli yoluxucu xəstəliyin mənbəyi tapıldı

Lent.az-ın “Financial Times Deutschland” nəşrinə istinadən verdiyi məlumata görə, yolxucu xəstəliyin mənbəyi İspaniyadan Almaniyaya ixrac olunan xiyardır.

Qeyd edək ki, hazırda Almaniyada 460 nəfərin bu xəstəliyə yoluxması halı qeydə alınıb. Şlezviq-Qolşteyn federal torpağında və Hamburqda xəstəliyə yoluxanlar daha çoxdur. Yoluxucu xəstəlik iki gün əvvəl Bremendə gənc qadının, bazar günü isə Dipxolts şəhərində 83 yaşlı qadının ölümünə səbəb olub. Bu xəstəlik insanlar ərzaq məhsullarından, xüsusən ət və süd məhsullarından keçir. ENES bakteriyası yaxşı yuyulmamış tərəvəzdən də insana keçir.

Bu xəstəliyə yoluxan insanların temperaturu qalxır, qusurlar. Belə xəstələrin müalicəsi 10 gün çəksə də, xəstəlik uşaq və qocalarda ağırlaşmalara yol açır, həyat üçün təhlükəli olur.