Qasırğa ABŞ-da bir şəhəri dağıtdı
23 may 2011 18:41 (UTC +04:00)

Qasırğa ABŞ-da bir şəhəri dağıtdı

Güclü qasırğa ABŞ-ın Missuri ştatında 89 nəfərin ölümünə səbəb olub. Lent.az-ın CNN-ə istinadən verdiyi məlumata görə, insan tələfatı ştatın cənub-qərbindəki Coplin şəhərində qeydə alınıb.

Şəhərin 30 faizə qədəri dağılıb. “John Miller”, “Home Depot”, “Walmart” kimi böyük mağazalar, yanacaqdoldurma stansiyaları və binalar yerlə bir olub. “Walmart” ticarət mərkəzində yüzlərlə insanın qaldığı güman edilir. Şəhərə həkim briqadaları axışır. İnsanlar dağıntılar altında sağ qalanları çıxarmaq üçün çalışırlar.

Şəhərin xəstəxanası da ciddi zərər gördüyü üçün xəstələr və həkimlər evakuasiya edilirlər. Pəncərələri dağılan xəstəxanadan 70 kilometr uzaqlıqda bir evin bağçasında tibbi ləvazimatlar tapılıb. Ştatda fövqəladə vəziyyət elan olunub. ABŞ prezidenti Barak Obama da artıq şəhər əhalisinə başsağlığı verib.
# 370

Oxşar yazılar