MHP-də seks kaseti şoku: bir gündə 5 istefa
21 may 2011 15:39 (UTC +04:00)

MHP-də seks kaseti şoku: bir gündə 5 istefa

Lent.az-ın məlumatına görə, özlərini “fərqli ülküçülər” adlandıran qrup adından yayılan kompromat materiallardan sonra Dövlət Baxçalının 5 müavini mayın 21-də istefa verib.

Baxçalının seks görüntüləri internetə düşən müavini Məhmət Əkici partiyadakı vəzifələrindən və üzvlüyündən istefa verib, Yozqat millət vəkilliyinə namizədlikdən geri çəkilib.

Partiyada baş verən istefa qalmaqalı bununla yekunlaşmayıb. Belə ki, Məhmət Əkicidən əlavə, partiyanın baş katibi Cihan Paçaçı da istefa verərək, MHP-yə şok yaşadıb.

Bütün bunların ardınca daha iki partiya funksioneri istefa ərizəsini yazaraq, MHP sıralarını tərk edib. Bunlar, Baxçalının müavini Ümit Şəfəq və Məhmət Taytakdır.

Qeyd edək ki, Məhmət Əkicinin videogörüntüləri ilə birlikdə yayılan məlumatlarda deyilirdi ki, növbəti videokaset MHP sədrinin digər müavini Osman Çakırla bağlı olacaq. Bu açıqlamanın ardından isə Osman Çakır daha görüntülər yayımlanmadan tutduğu vəzifədən və deputatlığa namizədlikdən ayrılmışdı.

Osman Çakır istefa səbəbini belə izah edib ki, ailəvi vəziyyəti və psixoloji şərtlər bu qərara gəlməsini şərtləndirib.

Məhmət Əkici isə “millətimdən üzr istəyirəm, mübarizəm yeni başlayır” - deyə, açıqlama verib.

Beləliklə, seks kasetləri ucbatından istefa verən müavinlərinin sayı 9-a çatıb.

Xatırladaq ki, bir neçə gün öncə MHP-nin daha 6 ciddi funskioneri ilə bağlı seks görüntülərin yayımlanacağı bildirilmiş, partiya sədri Dövlət Baxçalı isə “əlinizdə nə varsa, yayımlayın” deyə, qarşı tərəfə meydan oxumuşdu. O bildirmişdi ki, partiyadan heç kim istefa verməyəcək. Ancaq sadəcə bir gün də 5 istefa baş tutub.
# 604

Oxşar yazılar