Türk aşbaz Obamaya barmaqlarını yalatdı - FOTO

ABŞ prezidenti Barak Obama “Apple”, “Google”, “Yahoo”, “Facebook” və “Twitter” kimi rabitə və texnologiya nəhənglərinin sahibləri, rəhbərləri ilə bir masa arxasında nahar edib.

Lent.az-ın “haberturk.com” saytına istinadən verdiyi məlumata görə, yemək süfrəsi “Kleiner Perkins Caufield & Byers” şirkətinin ortağı olan Con Doerrin Kaliforniyadakı evində təşkil olunub. Bu süfrə arxasında əyləşənlərin varidatı milyonlarla, milyardlarla ölçülür. Ümumilikdə, onların varidatları cəmləndikdə 1 trilyon dollar təşkil edir. Barak Obama bu yemək süfrəsi arxasında iqtisadi mövzularla bağlı tənqid olunub. İngilis mətbuatı yazıb ki, dünyanın ən varlı adamlarının tənqidləri qarşısında çətin vəziyyətə düşən Barak Obama türk aşbaz Yiğit Puranın hazırladığı ləziz xörəklərə heyran qaldığını gizlətməyib.

Barak Obama ən çox bananlı kremdən hazırlanmış şirniyyatı bəyənib və hətta barmaqlarını da yalayıb.